Me fitoren 3-1 të fiksuar të dielën në finalen ndaj Perusë, Selesao u bë për herë të nëntë fituese e Kupës së Amerikës, duke qenë ende larg 15 trofeve të fituar nga Uruguaji dhe 14 të Argjentinës. Gjithsesi, brazilianët mund të krenohen me Dani Alvesh, i cili jo vetëm u shpall lojtari më i miri i turneut amerikano-latin, por është edhe futbollisti me më numrin më të madh të trofeve të fituar, si askush tjetër. Kapiteni 36-vjecar i Brazilit ka fituar tri herë Champions League, dy herë Europa Ligën, katër herë Supërkupën evropiane, tri herë Kupën e Botes, një herë Serinë A, një herë Kupën e Italisë, gjashtë herë La Ligën, pesë herë Supërkupen e Spanjës, pesë herë Copa Del Rey, dy herë Ligën franceze si dhe 4 kupa të Francë, dy herë Kupën e Konfideratava dhe dy herë Kupën e Amerikës. Para se ta ngrite lart këtë kupë, në llogarinë e tij numëroheshin 39 trofe të fituar në total gjatë karrierës Kurse tani janë plot 40. I vetmi trofe që i mungon në palmaresin e tij është Kupa e Botës, trofeu më i rëndësishëm. Por një si Dani Alves nuk njeh limite dhe me siguri që do të synojë ta fitojë atë, pas 3 vitesh në Katar.
