Nuri Sahin (trajner i Dortmund):
“Është një sfidë e veçantë për mua si trajner i Borussia Dortmundit që të luaj kundër Barcelonës në Ligën e Kampionëve. Jemi të aftë të fitojmë ndeshjen, por edhe Barcelona. Kjo është arsyeja pse forma fizike do të luajë një rol të madh. Ata bëjnë presin shumë lart, kanë procese të qarta në presing dhe kundërpresing. Megjithatë, ne do të duhet të shfaqemi të guximshëm. Nuk duhet ta ndryshojmë për asgjë në botë qasjen tonë.
Kalendari i ngjeshur? Ky nuk është një justifikim! Nuk jam duke kërkuar për një të tillë, por është fakt që veçanërisht për lojtarët e kombëtares barra është pothuajse e padurueshme. Sepse dje për shembull, ne planifikuam sezonin me Kupën e Botës për Klube që mbahet në muajt qershor-korrik dhe nuk e di se kur Kobel duhet të shkojë me pushime. Unë mendoj se për ne si lojtarë është e rëndësishme të gjejmë rrugën e duhur për të rigjeneruar shpejt trupin dhe për të kthjelluar mendjen. Të qenit i qetë është shumë e rëndësishme! Me të gjitha udhëtimet dhe ndeshjet që bëjmë, duhet të kthellojmë mendjen që të mbetemi të freskët për të luajtur mirë në sfidën e radhës”
Kobel (portier i Dortmund):
“Ne kemi një skuadër të shkëlqyer, pavarësisht se kush zbret në fushë. Mund të themi se funksionojmë mirë me çdo lojtar që është në njëmbëdhejtëshen e parë. Natyrisht që do të jetë një ndeshje speciale. Ne të gjithë ëndërrojmë të luajmë në Ligën e Kampionëve. POr të luash ndaj një skuadre si Barcelona e bën gjithcka edhe më të veçantë. Të gjithë duam ta përjetojmë një natë speciale. Sfida kundër Barcës, është si një ëndërr dhe mezi pres ta përjetoj. Ne jemi të vetëdijshëm se ka gjëra që mund të përmirësojmë, kështë që ne do të vazhdojmë të punojmë. Unë jam i njëjti si sezonin e kaluar, por natyrisht me më shumë përgjegjësi mbi supe”.
Hansi Flick (trajner i Barcelonas):
“Do të luajmë në një stadium fantastik me një atmosferë të jashtëzakonshme. Tifozët na kanë mbështetur shumë gjatë sezonit dhe kjo është diçka nga e cila ne duhet të përfitojmë. Do të jetë një motiv shtesë. Ne kemi treguar cilësitë që kemi, unë kam besim të plotë tek ekipi dhe në atë që po bëjmë. Të gjithë japin maksimumin në çdo seancë stërvitore. Duhet të kemi besim dhe të luajmë siç dimë ne. Janë disa situata që duhet t’i korrigjojmë. Dy pikët e humbura në kampionat, na lënduan, por unë jam i bindur se mund të bëjmë gjëra të mëdha si ekip i bashkuar. Besoj te fitorja ndaj Dortmund me një lojë të mirë. Janë tre pikë të rëndësishme për raundin tjetër.
Ne kemi luajtur shumë ndeshje, në të cilat kemi treguar vlerat që kemi si ekip. Kemi treguar se çfarë jemi të aftë të bëjmë dhe se mund të përballemi me ekipe të vështira. Është një ndeshje e komplikuar, por nëse japim gjithçka do ia dalim ta kalojmë me sukses. Liga e Kampioneve është tjetër nivel, ne duam pikët për të synuar kualifikimin për më tej”,
Inaki Peña (portier i Barces):
“Duke u rritur, ëndrra e një futbollisti është të luajë në këto lloj ndeshjesh. Pikërisht në një stadium si ai i Dortmundit, kundër një ekipi të madh, ne do të duhet të japim 100% për të fituar në këtë sfidë të sotme. Përpiqem të jem i qëndrueshëm, duke mos lejuar që një disfatë të lëkundë besimin tim dhe të mos lejoj një fitore të më emocionojë shumë. Këtë më ka mësuar përvoja. Trajneri na tha se duhet të kthehemi tek ajo që na bëri të pandalshëm. Ne e kemi të qartë se çfarë duhet të bëjmë dhe çfarë jo. Duhet të japim 100%, të kontrollojmë lojën dhe të përpiqemi të jemi sa më vendimtarë në zonën e rreptësisë”.
