Paçka se është kthyer në një legjendë e Realit të Madritit dhe këtë sezon, deri më tani është ndër tre futbollistët që i kanë luajtur të gjitha ndeshjet e La Ligas, Rafa Benitez mendon se Cristiano Ronaldo nuk është i paprekshëm. Trajneri spanjoll këmbëgul se paprekshmëria e sulmuesit portugez është thjesht një mit.
Duke folur për mediat ish-trajneri i Napolit dhe Liverpool-it u shpreh se flet me portugezin çdo ditë. Benitez tha se Ronaldo jep gjithmonë maksimumin dhe se prania e tij në fushëështë një garanci për Realin, por nëse do të ishte e nevojshme ulja e tij në stol, Benitez nuk do të hezitonte aspak.
55-vjeçari riktheksoi se për të, Cristiano Ronaldo mbetet futbollisti më i mirë në Botë dhe është kandidati kryesor për ta fituar topin e artë përkrah Lionel Messit. Duke iu rikthyer barazimit në derbin me Atleticon, Benitez tha se e mëriziti shumë 11-metërshi i shkaktuar nga Sergio Ramos.
Reali i Madridit renditet i dyti në la Liga me 15 pikë, po aq sa Barcelona dhe Celta Vigon, dhe një më pak se Villareali kryesues.
