Barcelona dhe Real Madrid vazhdojnë garën për titullin kampion në Spanjë, kurse Atletico Madrid ndërpret ëndrrën. Në javën e 29 të La Ligas, katalanasit mposhtën Gironën në shtëpi, me rezultatin 4-1. Për Barccën, ra në sy dygolëshi i Robert Leëandoëskit, i cili është bërë lojtari i parë në La Liga që nga sezoni 2018/19, që shënon 25 gola në 18 ndeshjet e para të edicionit, atëherë kur diccka të ngjashme e bënte Lionel Messi.
Kjo fitore me goleadë, vërteton edhe një herë tjetër, faktin që ekipi i drejtuar nga trajneri Hansi Flick është kthyer në një makineri golash. Barcelona është bërë skuadra e parë në historinë e La Ligas që shënon 139 gola në 45 ndeshje të luajtura në të gjitha kompeticionet përgjatë këtij sezoni.
Sa i përket La Ligas, blangranat janë në vendin e parë në kuotën e 66 pikëve, 3 më tepër sesa Real Madrid që ndjek në vendin e dytë. Në javën e 29, Los Blancos fituan 3-2 ndaj Leganes në shtëpi, me dy prej golave që u shënuan nga Kylian Mbappe.
Teksa Barca dhe Reali do të vazhdojnë garën deri në fund për titullin kampion, nuk mund të thuhet dot e njëjta gjë për Atletico Madrid. Rezultatet e 3 javëve të fundit, 2 humbje dhe një barazim, kanë thyer shpresat për skuadrën e Diego Simeones, që klasifikohet e treta me 57 pikë, 9 pikë larg vendit të parë. Duke marrë parasysh që deri në fund kanë mbetur edhe 9 javë për t’u luajtur, duket shumë e vështirë që Atletico dhe rikuperojë terren dhe t’i bashkohet sërish garës për trofeun e La Ligas.
