Massimiliano Allegri (Trajneri i Juventus)
Kemi vërtet një sfidë të rëndësishme për të luajtur. Në 4 vitet e fundit kemi luajtur vazhdimisht në nivel të lartë, por kjo e sotmja është një nga ndeshjet më delikate për ne. Atletico është një skuadër e mirëorganizuar dhe mjaft e fortë në fazën mbrojtëse. Ekipi ynë është rritur ndjeshëm nga sezoni i kaluar. Fizikisht, psikologjikisht, por edhe teknikisht jemi një skuadër shumë më e mirë se më parë. Ajo çfarë ka rëndësi të veçantë për ne është vazhdimësia. Duhet të ruajmë formën dhe të mos vetëkënaqemi me rezultatet tona. Duke patur parasysh se çfarë kundërshtari kompakt do të kemi përballë, duhet të jemi të përqëndruar për të mos lejuar asnjë episod të vendosë ndeshjen, siç na ka ndodhur jo pak herë në vitet e fundit. Të kesh Ronaldon në skuadër është sigurisht një avantazh i madh, por duhet një performancë e mirë nga i gjithi grupi për të marrë atë çfarë i kemi vënë vetes si objektiv.
Miralem Pjanic (Mesfushor i Juventus)
Do të luajmë në stadiumin e finales, aty ku duam të rikthehemi sërish. Për t’i shkuar deri në fund këtij rrugëtimi, duhet të kalojmë vështirësi të tilla, të përballemi me kundërshtarët më të fortë të mundshëm. Kemi mësuar nga gabimet tona dhe jemi përmirësuar ndjeshëm. Tani funksionojmë më mirë se në sezonin e kaluar dhe ekipi po gëzon një formë të mirë fizike. Besoj se i kemi të gjitha cilësitë për të arritur një rezultat të mirë nga kjo ndeshje, pavarësisht se përballemi ndaj një skuadre që renditet mes më të mirave të Europës.
