Antoine Griezmann do një pagë prej 22 milionë eurosh që të kalojë te Manchester United. Eshtë ky raportimi që bëjnë në Angli ndërsa francezi i Atleticos tanimë kërkohet edhe nga Barcelona, kjo e fundit gjithmonë e më pranë. Në Madrid tashmë e dinë se e kanë të vështirë ta mbajnë 26-vjecarin përtej verës së vitit 2018-të dhe thuhet se mirëpresin që cilido klub që mund ta përballojë klauzolën prej 100 milionësh të nisë bisedimet me vetë lojtarin. AS shkruan se projekti afatgjatë i Los Rojiblancos parashikon investime për sezonin e ardhshëm kjo pasi në vitin 2019-të finalja e Champions League-ës do të luhet në Metropolitano dhe Atletico synon që të përfitojë para me Griezmannin për t’i hedhur më pas në merkato për lojtarë të tjerë. Objektivi është arritja medoemos e finales. Në këtë dinamikë Griezmann thuhet se po luan bllofin duke nxitur një lloj ankandi mes Barças dhe United-it. Mirror shkruan se 400 mijë paundë në javë janë shumë para, ndërsa The Sun raportoi të hënën se oferta fillestare e United-it për Griezmannin ishte 290 mijë. 26-vjecari e ka shprehur gjithmonë faktin se është një tifoz i “Djajve të Kuq” por përballë një interesimi edhe të katalanasve, në Spanjë thonë se ai është i dyzuar. Ndërkohë nëse lëviz edhe 100 milionë të tjera për Griezmannin, Barcelona do ta çonte faturën e shpenzimeve në më shumë se 400 milionë duke përllogaritur transferimet e Dembele dhe Coutinho që kushtuan 300.
