Arsenali fiton derbin e Veriut të Londrës ndaj Tottenham. Në Emirates, ndeshja përfundoi 2-1 për skuadrën e drejtuar nga Mikel Arteta. Akoma më spektakolare, ishte mënyra se si erdhi fitorja, pasi ata që kaluan të parët në avantazh ishin Spurs me anë të Son në minutën e 25. Megjithatë, të zotët e shtëpisë, refuzuan të shkonin në disavantazh në dhomat e zhveshjes, teksa në minutën e 40, gjuajtja me kokë e mbrojtësit Gabriel, u devijua me kokë nga Solanke dhe u ndal në rrjetë.
Nga një moment i tillë, loja e Arsenalit erdhi në ngjitje dhe vetëm 4 minuta më vonë, Trossard përmbysi gjithçka. Belgu u asistua nga kapiteni Martin Odegaard, me këtë të fundit, i cili edhe një herë tjetër, tregoi se bën diferencën në radhët e Gunners. Në dy ndeshjet e fundit, Odegaard, i vetëm, ka mundur të krijojë plot 14 mundësi shënimi, aq sa kanë mundur të krijojnë të gjithë lojtarët e tjerë të Arsenalit së bashku.
Kaq mjafton për të thënë se thuajse çdo aksion i ndërtuar nga Arsenali, kalon nga këmbët e Odegaard. Falë një fitoreje të tillë, Gunners janë ngjitur në kuotën e 43 pikëve dhe tani janë vetëm 4 pikë larg Liverpoolit kryesues, megjithëse The Reds kanë një ndeshje më tepër në dispozicion.
Në ndeshjen e radhës, Arsenali do të luajë sërish në shtëpi, teksa vizitohet nga Aston Villa, kurse Tottanham, që është zhytur në krizë, pa asnjë fitore në 5 ndeshjet e fundit, do të vizitojë Evertonin në transfertë.
Sakaë, në Angli, vlen të theksohet edhe forma e mirë që po kalon Neëcastle United, e cila vjen nga 9 fitore radhazi në të gjitha kompeticionet. Në javën e 21 të Premier League, skuadra e drejtuar nga Edi Hoëe mundi 3-0 Ëolvesin në shtëpi, me protagonist, Aleksander Isak, me këtë të fundit, që shënoi 2 gola. Sulmuesi i qendrës, po përjeton momentin më të mirë të karrierës, teksa deri më tani është golashënuesi i tretë më i mirë i ligës me 15 finalizime, duke u renditur vetëm pas Salah dhe Haaland, me nga 18 dhe 16 gola. Si pasojë e këtyre rezultateve pozitive, Newcastle është ngjitur në vendin e katërt të kampionatit.
