“Na pret një stuhi në Anfield. Por gjithashtu edhe ne jemi një skuadër e mirë. Do të provojmë të bëjmë lojën tonë dhe të shohim se ku mund të shfrytëzojmë pikat e dobëta të Liverpulit. Duhet të kemi kurajë. Nëse veprojmë kështu, atëherë kemi shanse. Përndryshe, do të jetë vërtet e vështirë, sidomos në duelet një për një. A kam folur me Ten Hag që me Manchesterin e mundi Liverpulin në kampionat? Jo, nuk kam pasur asnjë kontakt me të. Por e pashë atë ndeshje dhe vura re disa gjëra që mund të na shërbejnë edhe ne. Thjesht do të përpiqemi të bëjmë gjërat në mënyrën tonë. Duhet të vazhdojmë paraqitjen që kemi bërë ndaj Reinxhërs, me të njëjtën energji, dhe oreks që shfaqëm në ndeshjen e parë të fazës së grupeve. Kam besim shumë të madh te ajo që mund të bëjë kjo skuadër, pasi edhe pse na janë larguar disa elementë, kemi ndërtuar një kontigjent lojtarësh përsëri tepër të fortë dhe cilësor”.
