Transferimi i tij në ‘Old Trafford’ bëri shumë bujë, pasi mendohej të ishte lideri i ri i skuadrës, dhe njeriu që do udhëhiqte Manchester United drejt sukseseve. Por Alexis Sanchez për momentin mbetet shumë larg kërkesave të ‘djajve të kuq’ që sakrifikuan Henrikh Mkhitaryan dhe 27 milionë paundë për ta marrë kartonin e tij nga Arsenal që në muajin janar. Kjo ishte një lëvizje e kërkuar nga trajneri Jose Mourinho.
Shumë i kritikuan këto shpenzime, pasi Sanchez i skadonte kontrata me ‘topçinjtë; në fund të atij sezoni, por kishte edhe nga ata që e krahasonin këtë transferim më atë të Wayne Rooney nga Everton, kur Sir Alex Ferguson ia rrëmbente lojtarin Newcastle në momentet e fundit të merkatos, për atë që do të bëhej golashënuesi më i mirë i historisë së ‘djajve të kuq’. Pep Guardiola e kërkonte Sanchez të Manchester City prej kohësh, dhe Mourinho vendosi të shpenzonte jo pak për ta bërë sulmuesin të ndryshonte anë. Vetëm 3 gola në 23 ndeshje janë shumë pak për një sulmues që paguhet plot 400 mijë paundë në javë. Kritikat ndaj Mourihnos dhe lojtarit 29-vjeçar sa vijnë e shtohen, me media të shumta angleze që thonë se të dy mund të jenë duke zhvilluar sezonin e fundit në radhët e Manchester United.
