Zbuloni gabimin e Xhakës gjatë propozimit për martesë

Mesfushori kuqezi Taulant Xhaka ka vendosur të kurorëzojë fejesën e tij me martesë. Xhaka ka vendosur ti bëjë një surprizë të fejuarës, por nga emocionet e mëdha tai ka bërë një gabim. Në propozimin që i bën të fejuarës, ai e ka drejtuar unazën nga vetja e tij dhe ky detaj nuk ka kaluar pa u vënë re nga fansat e shumtë.

Në postimin në “Instagram”, nuk kanë munguar komentet pozitive ku kanë uruar çiftin Xhaka për këtë vendim, por edhe komente të shumta të cilat kanë ‘thumbuar’ Xhakën për mënyrën e mbajtjes së unazës. “Drejtoje unazën nga nusja, se duket sikur po i propozon vetes”, ishin komentet më tipike në postimin e Xhakës. Pavarësisht kësaj, ajo ka thënë “PO” duke e pranuar unazën edhe pse ishte nga drejtimi i Xhakës.