Ndërsa shumë emra të famshëm përveshën mëngët për të ndihmuar rajonet e dëmtuara nga tërmetit, një thirrje u bë edhe nga aktori Kerem Bursin, i cili ndau në llogarinë e tij në rrjetet sociale një video-mesazh ku shprehej se ishte koha për të ndihmuar personat e dëmtuar nga tërmeti famëkeq i cili javën e kaluar preku Tuqinë dhe Sirinë.
Ylli i filmave dhe serialeve, i dha zë thirrjes së tij për ndihmë, këtë herë duke iu drejtuar botës përmes një video-mesazhi anglisht! Edhe një herë aktori I cili ka lindur në Amerikë, kërkoi nga kushdo që të ofronte ndihmën e tij në ditët e vështira, ku bilanci i humbjes së personave në kohën e realizimit të videos nga Bursin, rezultonte i ngjashëm me bilancin e humbjeve nëpër luftra.
“Përshëndetje të gjithëve. Siç e dini tashmë, dy tërmete me magnitudë 7.7 dhe 7.5 ballë të 6 shkurtit prekën 10 qytete në Turqi. Pothuajse 14 milionë njerëz u prekën drejtpërdrejt, dhe rreth 10 mijë ndërtesa u shkatërruan. Ne të gjithë së bashku mundemi të sigurojmë të gjitha nevojat “, citonte aktori në gjuhën angleze. Në fund të videos, Bursin raportonte edhe vendet të cilat kishin nevojë emergjente për ndërhyrje dhe ndihma.
