Aktori i njohur dhe njëkohësisht “mashkulli i ëndrrave” të shumë vajzave, sapo ka bërë një ndryshim drastik. E pas këtij ndryshimi, le të themi që ka rrezikuar të humbasë një numër të madh fansesh. Megjithatë, është Tom Hardy, sido që të jetë, vajzat sërish do e adhurojnë apo jo? Aktori britanik, është shfaqur në publik me kokën e rruajtur, praktikisht zero.
Ky ndryshim ishte i nevojshëm për rolin e tij si Al Capone, në filmin “Fonzo”. Faktikisht kjo nuk është hera e parë që ai bën ndryshime drastike për hir të roleve të ndryshme, ndonjëherë madje mundej edhe të mos njihej pothuajse fare për shkak të këtyre ndryshimeve. Gjithsesi, kush nuk do të arrinte ta njihte Tom Hardyn pavarësisht ndryshimeve?
