Dy të rinjtë janë në pritje të bëhen prindër për herë të parë. Gjithashtu, Tolgahan dhe Almeda, së fundmi kanë blerë një tjetër shtëpi dhe brenda pak kohësh do të shpërngulen në vilën e re. Pikërisht në këtë vilë, Tolga i ka bërë Almedës një dhuratë aspak të vogël. Ai ka shndërruar një ambjent të shtëpisë, në palestrën personale të bukuroshes shqiptare.
Sipas mediave turke, vetëm pajisjet e palestrës që Tolga ka zgjedhur, kushtojnë rreth 50 mijë dollarë. Aktori i njohur turk, ka menduar t’i krijojë të gjitha lehtësirat e mundshme bashkëshortes së tij, e cila është 5 muajshe shtatzënë. Përveç palestrës, Tolga ka punësuar edhe një instruktor, i cili i bën mësime pilatesi Almedës si dhe ushtrime parapregatitore për lindjen.
