Nëse jeni sado pak të dhënë pas formave fizike, fitnesit, me shumë mundësi e njihni Kayla Itsines, trjaneren personale nga Australia e cila numëron më shumë se 10 milion fansa në Instagram. 27 vjeçarja është e njohur jo vetëm për “feed-in”e saj frymëzues për njerëzit që duan të humbin peshë e të kenë format që ëndërrojnë, por edhe autorja e disa librave online rreth stërvitjes apo ngrënies për të rënë në peshë.
Ndonëse Kayla Itsines, është në pritje të ëmbël dhe ka hyrë në muajin e gjashtë të shtatzënisë, ajo nuk heq dorë nga rutina e saj stërvitore. Tek shikon faqen e saj në instagram,ndoshta postimet pak më të hershme kur barku nuk është kaq i rrumbullakosur,mund të mendoje se Kayla thjesht mund të ketë ngrënë pak më shumë nga se duhet në një vakt, por kurrësesi se ajo pret një fëmijë.
