Tre aktorët Serenay Sarıkaya, Burak Deniz dhe Mert Demir, ndajnë sheshxhirimin në një projekt të përbashkët, xhirimet për të cilin sapo kanë përfunduar. Ata janë parë së bashku në aeroportin e Stambollit teksa po ktheheshin nga Adana ku përfunduan xhirimet për këtë projekt. Aktorja e cila mbante rolin kryesor, tregoi se xhirimet kishin qenë vërtet të lodhshme por përfundimi i tyre kishte qenë i sukseshëm. Pyetjes lidhur me surprizat që ky bashkëpunim solli, aktorja iu përgjigj shkurtimisht “do ta shohim të gjithë bashkë…” Ylli 29-vjeçar, që kohët e fundit është komentuar gjatë për një romancë me operatorin Umut Evirgen, kërkesës së gazetarëve për një koment lidhur me këtë, edhe një tjetër herë i është përgjigjur me indiferentizëm dhe heshtje. Serenaj, nuk i shpëtoi fokusit të kamerave me thjeshtësinë dhe origjinalitetin e veshjes së saj, ku ranë në sy çorapet dhe pandoflat që kishte veshur. Kaq shërbeu për ta kthyer atë në shënjestër komentesh ku të shumtë ishin ata që e emërtuan veshjen e saj të pazakontë “Adana Style Serenay”.
