Viti 2017-të ka qenë mjaft i vështirë për këngëtaren Selena Gomez. Gjatë verës së vitit të kaluar ajo kreu një operacion mjaft të vështirë në veshkë dhe kjo ndryshoi tërësisht mënyrën se si Selena mendonte për jetën e saj.
Ditën e djeshme, ajo ka festuar 26-vjetorin e lindjes dhe ka treguar se tashmë që çdo e keqe ka kaluar ndihet shumë e lumtur.
“Kur Selena reflekton për ditëlindjen e saj ndihet e lumtur për shëndetin dhe që është gjallë, duke qenë se pak kohë më parë këtë gjë nuk ja premtonte askush”, – ka thënë një burim i afërt. Në ditën më speciale, Selena është surprizuar nga miket e saj të cilat i kanë përgatitur një festë në jaht.
