Seçkin Ozdemir është fotografuar teksa ka kaluar mbrëmjen me aktoren e njohur Ahu Yagtu. Ata darkuan së bashku e më pas shkuan në një klub nate. Sipas burimeve të mediave turke, Seçkin duket se po nis një histori të re dashurie edhe pse ka fare pak kohë që është ndarë nga Demet.
Dyshja është prezantuar nga miq të përbashkët dhe kjo nuk është hera e parë që ata dalin bashkë. Kur kanë dalë nga klubi, ata janë përballur me paparacët dhe menjëherë janë ndarë nga njëri-tjetri.
Seçkin dhe Ahu u futën në dy taksi të ndryshme, madje pa u përshëndetur bashkë. Duket se të dy, donin me patjetër të shmangin fotot e paparacëve.
