Këngëtari britanik Sam Smith është duke kaluar një moment depresioni pas ndarjes nga partneri i tij, aktori Brandon Flynn.Këtë fakt e ka pranuar vetë Smith gjatë një koncerti në New York ku foli hapur për gjendjen e tij shpirtërore, duke theksuar se ka rënë sërish në depresion.
Ai u tha fansave të qëndrojnë të fortë edhe në qoftë se janë duke kaluar një periudhë të keqe në jetën e tyre. Ndërkohë burime pranë tyre kanë thënë për “The Sun” se marrëdhënia midis çiftit ishte e pamundur të vazhdonte pasi kanë qenë shumë të angazhuar me jetën e tyre profesionale dhe e kishin shumë të vështirë të qëndronin me njëri-tjetrin.
