Këngëtarja shqiptare me origjinë nga Kosova, Rita Ora, është një nga këngëtaret më të dashura jo vetëm në diasporë, por në të gjithë botën.
Ajo kohët e fundit ka qenë shumë akive në rrjetet sociale lidhur me çështjet e racizmit.
Këngëtarja në postimin e fundit ka publikuar video e foto nga viti i hershëm 1994. Aty duket Rita, një fëmijë i lumtur që ndjek pëllumbat në një park.
“Pse e kam dashur aq shumë kamerën! Edhe si fëmijë! Shpresoj se kjo ju bën të buzëqeshni, thjesht shikoni një jetë të një fëmije të shkujdesur. Kjo është ajo që e meritojnë të gjithë, një shans për të patur një jetë të mirë dhe një mundësi për të qenë të lumtur,” shkruan këngëtarja.
Në shkrim e gjatë të publikuar krahas videos, këngëtarja me origjinë shqiptare tregon se kur prindërit e saj morën vendimin për t’u larguar në Angli, ishte e vështrë për tu përshtatur si refugjate.
“Kur prindërit e mi vendosën të transferohen nga Kosova në Angli ishte e vështirë. Mbaj mend që më duhej të përjetoja disa gjëra për tu përshtatur si një vajzë refugjate, me vajzat e tjera. Ne nuk mund të paragjykohemi nga ngjyra e lëkurës ose nga prejardhja, ne jemi një racë. Raca njerëzore. Jepuni fëmijëve një vend ku të ndjehen të lirë,” shkruan Rita
