Kohët e fundit, këngëtarja Rita Ora ka qenë shumë e angazhuar në promovimin e këngës së saj më të fundit, ‘For You’. Dhe më në fund ka vendosur të marrë pak kohë pushim e të dalë me të dashurin e saj, Andrew Watt. 27-vjeçarja është fotografuar duke shkëmbyer puthje pasionante me kitaristin pasi kishin marrë pjesë në një koncert në Los Angeles. Këngëtarja me origjinë shqiptare duket shumë e lumtur në krahët e Andrew. Lidhja e tyre është bërë zyrtare në dhjetor. Rita, me anë të një postimi në Instagram, u shpreh se kishte më shumë se 1 vit lidhje me kitaristin.
