Supermodelja Naomi Campbell dhe këngëtarja Rihanna, prej vitesh kanë treguar se kanë një miqësi shumë të mirë së bashku. Ato nuk janë rasti i personazheve që takohen vetëm nëpër evente apo ceremoni, por dy vajzat kanë ndarë shumë më shumë nga jeta e tyre me njëra-tjetrën. Por, jeta e tyre personale, është bërë shkak për prishjen e kësaj miqësie.
Rihanna siç dihet prej kohësh, është në një marrëdhënie me një miliarder arab. Ndërkohë Naomi ka surprizuar të gjithë, me të dashurin e saj 19 vite më të ri. Reperi Skepta dhe supermodelja, kanë pozuar të përqafuar nudo, për një revistë.
Ndërkohë që ky lajm u bë i ditur, të gjithë kanë komentuar faktin se si Naomi tashmë e ka lënë pas krahëve miliarderin e Rihannës, duke gjetur madje dikë akoma më të mirë. Burimet e afërta, kanë thënë se ka qenë pikërisht arabi, shkaku i grindjes midis dy vajzave dhe lidhja e Rihannës me të, ishte “vula” e prishjes së marrëdhënies së tyre.
