Keni dëgjuar ndonjëherë për festivalin Lollapalooza? Nëse jo, ju tregojmë ne se është një nga festivalet më të mëdhenj të muzikës në botë, i cili këtë vit do të mbahet në Chicago. Festivali gjigand, i cili mbledh artistët më të famshëm të tregut muzikor do të mbahet në datat 2-5 gusht të vitit 2018. Por këtë herë do të jetë i veçantë për ne sepse në skenën e tij do të ngjiten 3 artistë shqiptarë. Përveç Bebe Rexhës dhe Dua Lipës që po bëjnë namin nëpër botë, në Lollapalooza do të përformojë edhe reperi i talentuar Gashi!
Ai vijon karrierën e tij muzikore në SHBA, ku së fundmi ka marrë “bekimin” e Jay Z i cili duke parë talentin e tij e ka bërë pjesë të labelit muzikor që drejton “Roc Nation”.
Pas shumë e shumë koncerteve në shtete të ndryshme, tani Gashi do të ketë mundësinë të tregojë vlerat e tij krah emrave shumë të njohur të muzikës botërore si The Weeknd, Bruno Mars, Camilla Cabello, Khalid, Zedd e shumë të tjerë.
