Pothuajse çdo këngë e reperit Ledri Vula është bërë hit dhe kanë arritur me miliona shikime në ‘YouTube’. E njëjta gjë ka ndodhur edhe me këngën “1 Janari” e publikuar rreth 3 muaj më parë, por kjo këngë mesa duket ka kaluar edhe kufijtë shqiptarë. Në ‘Instagram’-in e tij Ledri ka postuar disa fotografi në të cilat ai supozon se reperi amerikan A$AP Rocky ka kopjuar videoklipin e këngës “1 Janari”.
E në fakt Ledri ka të drejtë, sepse nëse bën një krahasim midis dy këngëve vihet re një ngjashmëri shumë e madhe midis të dyjave. Ndoshta A$AP rocky ka kopjuar Ledrin ose ndoshta të dy kanë patur të njëjtën ide në mendje për realizimin e videoklipit. Megjithatë ju mund ta gjykoni vetë nëse Ledri ka apo jo të drejtë duke parë dy videot më poshtë.
