Këngëtarja e famshme me origjinë shqiptare Ava Max, së fundmi ka dhënë një intervistë për revistën “Uproxx”, ku ka folur për jetën e saj profesionale dhe personale. E teksa ka treguar historinë e familjes së saj, Ava nuk la pa përmendur edhe Shqipërinë.
“Amanda Ava Koçi ka lindur në Milwaukee, Wisconsin, më 16 shkurt 1994. Dhe ndërsa mbështetja e familjes është diçka që shumë artistë të suksesshëm e vënë në dukje gjatë ngritjes së tyre, për Ava Max, mënyra se si prindërit dhe vëllai i saj mbrojtën ëndrrën e saj që në moshë të re ishte e rëndësishme në ngritjen e saj. Si vajzë e emigrantëve që u larguan nga Shqipëria gjatë rënies së komunizmit, që në vegjëli Ava e kuptoi që nëna e saj i kishte vënë në pritje ëndrrat për të qenë një këngëtare operistike për t’i ofruar një jetë më të mirë vajzës së saj”
Ava Max ka treguar se nëna e saj duhej të hiqte dorë nga ëndrra e saj sepse ajo ishte një emigrante.
“Kur fillova të këndoj, u ndjeva sikur ajo filloi të jetonte ëndrrën e saj përmes ëndrrës sime, e cila është vërtet e mrekullueshme. Tani që e shikoj përsëri atë, ndihem se kjo është pjesërisht arsyeja pse e bëra, sepse nëna ime më mbështeti shumë dhe ishte gjithmonë aty për mua. Prindërit e mi ndërtuan shtëpinë e tyre të ëndrrave në Chesapeake dhe më pas e shitën pasi jetuan në të për tri vjet. Ata me të vërtetë sakrifikuan gjithçka për ëndrrën time. Por ata janë të tillë, ata u larguan nga Shqipëria me asgjë tjetër përveç një valixheje në dorë dhe me një gjashtëvjeçar, vëllain tim. Ata jetonin në Kryqin e Kuq në Paris, Francë pa para. Por babai im me të vërtetë donte të vinte në Amerikë, kështu që pas një viti që jetuam në një kishë babai im erdhi dhe na tha: ‘Ne do të shkojmë në Amerikë”.
