Pyetjet për një martesë të mundshme drejtuar çiftit të artistëve İlker Kaleli dhe Sıla janë të hershme por gjithmonkanë marrë të njëjtën përgjigje! Aktori dhe këngëtarja ndanë sërish mendimet e tyre në lidhje me martesën dhe edhe pse ka kaluar shumë kohë nga fillimi i lidhjes së tyre romantike, u vu re se asnjëri prej tyre nuk kishte ndryshuar mendim. Në intervistën e tij të fundit aktori i cili së fundmi ka festuar 40 vjetorin, ka deklaruar se ditëlindja e tij kishte qenë një festë e thjeshtë dhe e këndshme mes miqve të përbashkët të çiftit dhe familjarëve të tyre.
Kaleli ka folur gjithashtu për projektin e tij të ri dhe tregoi se bëhej fjalë për një serial i cili ishte duke u xhiruar në Spanjë. Ai zbuloi se i duhej të mësonte edhe pak spanjisht për disa pjesë të skenarit të cilat duhet të citoheshin nga personazhi i tij. Ai rrëfeu se ndihej i lumtur që ishte pjesë e kësaj eksperience dhe po priste me padurim të njihej me reagimin e publikut kur projekti të shfaqej në ekran.
Lidhur me jetën private aktori tregoi se katër vitet e fundit ndihej i frymëzuar nga dashuria dhe mbështetja e së dashurës së tij, këngëtares Shila me të cilën ndante pasion dhe dashuri për fusha të ndryshme të artit .Kaleli e përkufizoi bashkëjetesën me Shilën më tepër emocione se sa vetë martesa dhe u shpreh se ata të dy nuk e shihnin të nevojshme ta etiketonin lidhjen e tyre disavjeçare të dashurisë.
