Pas publikimit të këngës së Agon Amigës, “Oh bir”, menjëherë filloi të qarkullonte lajmi se Babastars janë përçarë dhe se teksti i kësaj kënge i është kushtuar Getoarit. “T’kom msu qa me vesh, t’kom msu qa me ble, sot mas 15 vjetëve jeni tu ma tesh”, -thuhet në këngën “Oh bir” dhe ky tekst ngriti dyshimet se ndoshta ka pasur një zënkë mes djemve dhe se Agoni është duke thumbuar Getoarin.
Por, me sa duket, këto janë thjesht thashetheme. Menaxheri i grupit, Dekor Sahiti i ka hedhur poshtë këto lajme. “Është një lajm kot. Kënga e Agonit nuk ka të bëjë me Getoarin, ndryshe nuk kishte logjikë që Dj i Getit, Marshall Jungle të shkruante tekstin e kësaj kënge. Përveç kësaj, unë si menaxher i Getoarit kam postuar këngën e Agonit, që do të thotë s’ka të bëjë me të”, -ka thënë Sahiti.Pra, e vërteta është se djemtë vazhdojnë të kenë një marrëdhënie të mirë me njëri-tjetrin dhe Agoni nuk ka ndërmend të largohet nga Babastars.
