Së bashku me modelet, aktorët dhe këngëtarët gjithnjë e më të famshëm po bëhen fytyrat e markave të parfumeve. Dhe pastaj lind pyetja e arsyeshme: cilat aromat zgjedhin këto të famshëm në jetën e tyre të përditshme?
Beyonce: Në intervistat e saj, Beyoncé pranon se i pëlqen gjithçka që krijohet nga marka Giorgio Armani, përfshirë edhe parfumet. Emporio Armani Diamonds Intense është aroma e saj e preferuar gjatë gjithë kohës e cila, sipas saj thekson në mënyrë perfekte feminitetin.
Jennifer Aniston vendosi të mos zgjedhë vetëm një aromë nga një larmi e madhe parfumesh dhe krijoi një linjë të tërë nën emrin e saj. “Chapter One” është aroma e saj e preferuar.
Kim KArdashian: vendosi të përziente biznesin me kënaqësinë dhe krijoi një parfum që do të dëshironte ta kishte vet dhe arriti të fitojë para nga ideja. Kim Kardashian ka disa vite që prodhon linjën e saj të parfumeve për gratë. Ndër të gjitha aromat, ajo ka 3 të preferuarat: parfumet e publikuara së fundmi në shishe me shumë ngjyra në formë zemre të quajtur Wifey, Baddi dhe Baby Girl.
Sarah Jessica Parker tashmë ka krijuar shumë linja parfumesh si për burra ashtu edhe për femra. Në një prej intervistave, aktorja zbuloi se ajo mori frymëzim nga parfumi i saj i preferuar, Incense Avignon nga një markë japoneze Comme des Garcons për të krijuar linjën e saj të fundit të aromave unisex të quajtur Stash.
Supermodelja amerikane Gigi Hadid ishte pjesë e një fushate reklamuese për parfumin Velvet Orchid nga Tom Ford. Hadid pranoi që ajo përdor këtë parfum gjatë gjithë kohës. Dhe nëse ajo duhet të marrë pjesë në një event, ajo gjithmonë zgjedh Orkide Velvet.
Modelja Kendall Jenner zgjedh aromën Modern Muse Le Rouge nga Estee Lauder në jetën e saj të përditshme. Prodhuesi i parfumit pretendon se i është kushtuar një gruaje moderne – një muze e guximshme dhe tërheqëse që dëshiron të bëjë përshtypje tek njerëzit përreth saj.
Victoria Beckham është e dashuruar me aromën e Room Service nga marka Vilhelm Parfumerie. Emri mjaft i pazakontë i parfumit mund të shpjegohet nga historia e krijimit të saj. I kushtohet yllit të Hollivudit, Greta Garbo, e cila gjithmonë u përpoq ta fshihte jetën e saj private nga syri i publikut dhe u fsheh nga bota e jashtme në dhomën e saj të hotelit.
Për shumë vite Keira Knightley ka luajtur një “Femme fatale” në reklamat e parfumit nga Chanel dhe për këtë arsye ajo përdor aromën legjendare Coco Mademoiselle në përdtishmëri.
