Pamela Anderson-it iu deshën vetëm 12 ditë për t’u bindur se martesa s’bën për të. Anderson dhe Jon Peters i dhanë fund marrëdhënies pasi qëndruan vetëm 2 javë si burrë dhe grua. Dyshja u martua përmes një ceremonie shumë sekrete.
“Ne do të ishim shumë mirënjohës nëse ju na mbështesni teksa ne marrim pak kohë vetëm, për të rivlerësuar çfarë duam nga jeta dhe nga njëri-tjetri. Jeta është udhëtim dhe dashuria proces. Me këtë të vërtetë absolute në mendje, ne të dy vendosëm ta mbyllim formalisht martesën.”- u shpreh ajo.
Nga ana tjetër, ish-bashkëshorti i saj pak para martese tha se pas gjithë këtyre viteve, s’do të donte njeri tjetër veç Pamela-s, duke shtuar se ajo e bënte atë “të egër” në një formë të mirë. Kurse për Anderosn, Jon s’krahasohej me asnjë nga burrat e tjerë të Hollywood-it.
Gjithsesi, diçka ndodhi dhe magjia u prish pas 12 ditëve sepse çifti mendon se ka diçka për të rivlerësuar.
