Të gjithë menduan se dashuria e tyre do të zgjaste përgjithmonë por ja që nuk ndodhi kështu. Aktorja e njohur turke Tuba Buyukustun u martua në një dasmë madhështore me Onur Saylak dhe nga kjo martesë patën dy binjakë. Megjithatë, pas 5 vitesh martesë, çifti është divorcuar. Arsyet janë ende të panjohura por është e qartë se dashuria mes tyre përfundoi.
Një tjetër suprizë për publikun ishte se Tuba u pa vetëm dy javë pas divorcit në krahët e një tjetër burri. Ai quhet Umut Evirgen dhe nën pronësi të tij janë disa nga klubet më të mëdha të natës në Stamboll. Paparacët, duke u munduar të fotografonin aktoren, u përballën me rojet e Evirgen. Situata doli jashtë kontrollit aq sa në mes hyri policia.
Burime pranë aktores tregojnë se Tuba po përjeton momente të vështira në jetën e saj. Shpresojmë që kjo situatë të kalojë sa më parë.
