Një nga aktoret më të shquara të Hollywoodit në vitet e fundit, Sydney Sweeney, është zgjedhur për të portretizuar ‘Blonde Phantom’ në një serial të ri Marvel për Disney+, duke zëvendësuar këngëtaren Taylor Swift, e cila fillimisht u konsiderua për këtë rol. Shfaqja televizive, e prodhuar nga Scarlett Johansson, do të fokusohet në heroinën e viteve 1950 Louise Grant. Ky personazh, i krijuar nga Stan Lee dhe Syd Shores në vitin 1946, është një luftëtare dhe detektive, e cila ndihmon fshehurazi shefin e saj në luftimin e krimit.
Personazhi i Blonde Phantom u shfaq për herë të parë në numrin 11 të ‘All Select Comics’. Louise Grant, identiteti i vërtetë i Blonde Phantom, ishte sekretarja e një hetuesi privat. Shfaqja e Disney+ synon të ringjallë thelbin e këtij personazhi klasik, duke e përshtatur atë për brezat e rinj dhe duke i qëndruar besnike origjinës së saj të librit komik. Seriali do të prodhohet nga Scarlett Johansson, e cila më parë luajti Black Widow në Marvel Cinematic Universe. Fansat mezi po presin të shohin se si Sweeney do të portretizojë Blonde Phantom, një personazh që ndërthur elegancën dhe forcën.
