DJ dhe producenti legjendar Tomcraft, emri i vërtetë i së cilit është Thomas Bruckner, ka ndrruar jetë dhe lajmi është konfirmuar nga familja e tij. Në një postim të shpërndarë në profilet e tij në rrjetet sociale, familja njoftoi lajmin e hidhur ku thuhej: “Me zemër të thyer ju njoftojmë se më 15.07.2024 ka ndërruar jetë babai dhe bashkëshorti ynë i dashur. Ne do t’ju mbajmë përgjithmonë në zemrat tona dhe do t’ju duam derisa të bashkohemi. Sinqerisht familja juaj”. Ndërkohë shkaku i vdekjes së tij ende nuk është konfirmuar.
Karriera e tij filloi në vitin 1995 kur ai themeloi “Kosmo Records” e në të njëjtin vit publikoi këngën “This is no House”, e cila konsiderohet klasike në historinë e muzikës elektronike. Me këngën “Silence” në vitin 2000, ai shënoi suksesin e tij më të madh duke u përfshirë edhe ndër në 20 këngët më të shitura në Gjermani. Në 2003, Tomcraft arriti në krye të klasifikimeve muzikore me disa singëlla por edhe u bë një ndër autorët me më shumë albume të shitura në Angli.
Ai është i njohur për publikun e gjerë me hitin “Loneliness”, me të cilin arriti kryesimin e shumë toplistave botërore në vetëm një javë në vitin 2002. Gjatë karrierës së tij, Tomcraft performoi pothuajse në të gjithë botën.
