Aktorja e njohur Merve Bolugur u martua në një ceremoni madhështore në Gusht të vitit 2015 me këngëtarin Murat Dalkilic. Pavarësisht martesës së tyre, dashuria mes tyre nuk ishte e thënë të zgjaste ndaj në Shtator të 2017, çifti u divorcua. Tashmë, Murat është në një lidhje me aktoren e njohur si Hayat nga seriali “Jetë”. Ende nuk ka asnjë lajm nëse Merve është me dikë në jetën e saj por dihet se biznesi po i ecën shumë mirë. Ajo ka lançuar së fundmi një linjë buzëkuqesh. Në fotot e realizuara, një detaj nuk i ka shpëtur mediave turke. Sipas tyre, Merve mban ende byzylykyn e dhuruar nga Murat. Ai është më se i dukshëm në fotot e realizuara si dhe në spotet publicitare. Sipas gecce.com, vlera e byzylykyt arrin 80 mijë lira dhe duket se aktores i ka sjellë gjithmonë fat. Ja përse nuk e heq asnjëherë!
