Ditëlindja e bashkëshortit të saj, në fakt, nuk ishte mësuar derisa vetë Angela postoi këto foto nga festa madhështore. Surpriza për Dragos Savulescu-n paska qenë mjaft e bukur dhe, siç duket nga këto foto që modelja shqiptare ka postuar në profilin e saj, miqtë janë bërë bashkë për të festuar në një ambient të zbukuruar anekënd me tullumbace të zeza dhe gri.Torta me tri kate ishte gjithashtu një prej detajeve që ra në sy të të gjithëve. Modelja kishte zgjedhur një kolazh me fotografi nga jeta e bashkëshortit.
Por surpriza e Angela-s dhe fotot nga festa kanë ngritur dyshimet edhe për një vajzë të vogël e cila shfaqet në prani të çiftit. Kush është? Në njërën prej pozave, në praninë e Angelës dhe Dragos shfaqet një vajzë e vogël, e cila në fakt është një fëmijë nga martesa e mëparshme e Dragos.Ai ka qenë i martuar në vitin 2005 me stomatologen Rodica Ghionea, martesë prej së cilës patën së bashku një vajzë. 4 vjet pas dasmës, çifti i dha fund martesës. Pas divorcit, ai u lidh me modelen seksi Madalina Ghenea, por në 2011-ën ajo i dha fund lidhjes me rumunin. Pas saj, Dragos u martua me modelen shqiptare Angela Martini në një ceremoni pa bujë dhe tashmë jetojnë së bashku në Los Angeles.
