Bukuroshja e filmave dhe serialeve për të cilën media roz ka folur dhe shkruar shpesh, jo vetëm për shkëlqimin e saj si një yll i kinematografisë turke, por edhe për jetën e saj private, më në fund bëhet sërish kryefjala e show bizit turk. Melisa Pamuk dhe futbollisti i njohur Yusuf Yazıcı , të cilët prej kohësh po jetojnë një lidhje dashurie, kanë shkëmbyer unazat dhe po fillojnë së bashku një jetë të re me martesën e tyre.
Yazıcı, vazhdon karrierën e tij futbollistike në Francë ndërsa aktorja e njohur vazhdon të korrë suksese përmes roleve në projekte të ndryshme. Për shumë kjo martesë erdhi shpejt dhe ka befasuar fansat e dyshes, por për shumë të tjerë kjo ishte e pritshme pasi përgtitjet për ta çuar në një tjetër stad romancën e tyre kishin filluar të pasqyroheshin në media duke zbuluar çdo ditë diçka të re rreth martesës së tyre.
Aktorja Pamuk ka ndryshuar mbiemrin në llogarinë e saj zyrtare në Instagram. Gjithashtu kohët e fundit kanë qarkulluar disa thashetheme rreth arsyes së mosprezencës së aktores në premierat e projekteve ku ajo ka interpretuar, sipas së cilave ajo nuk ishte kthyer nga Franca ku ndodhej së bashku me njeriun e saj të zemrës duke parapërgatitur martesën.
