Majk është një nga reperët më të suksesshëm të viteve të fundit. Ai ka sjellë produksione muzikore të ndryshme, duke qëndruar gjithmonë pranë shijeve të publikut. Kënga më e fundit që ai solli ishte një bashkëpunim me Butrint Imerin, me titull ‘Sa gjynah’, e cila numëron 9.4 milionë klikime në kanalin e ‘Youtube’.Pavarësisht suksesit të këngës së tij, Majk duket se është bezdisur nga besimi i disa artistëve se kanë këngët më të mira, ndaj ka zgjedhur të reagojë me anë të një postimi në ‘Instastory’.
“Keni marrë një besim si të budallenjve, që i keni këngët më të mira dhe po vazhdoni me komente. Më çmendët, a jeni duke bërë lekë? Jo. Atëherë pse humbni kohë”, ka shkruar 28-vjeçari në ‘Instagram’. Mesa duket reperi ka zgjedhur këtë formë për të reaguar, ndaj këtyre komenteve që duket se e kanë shoqëruar gjatë gjithë kohës.Kujtojmë se muajt e fundit, ai ka sjellë për publikun disa bashkëpunime si me Butrintin Imerin, Ylli Limanin apo Capital T, të cilat kanë rezultuar tepër të suksesshme dhe janë pëlqyer nga të gjithë adhuruesit e këngëtarit.
