Ka ardhur filmi i parë i Krishtlindjeve të këtij viti është publikuar nga Netflix, dhe aktorja amerikane, ish-ylli i adoleshentëve, Lindsay Lohan, mban rolin kryesor. Komedia romantike “Falling for Christmas” shënon edhe rikthimin e radhës të Lohan në ekran.
Ngjarja rrëfen historinë e një trashëgimtareje të llastuar të hotelit, të sapofejuar, e cila pëson një aksident ndërsa bënte ski. Ajo humbet kujtesën dhe gjen veten nën kujdesin e pronarit të pashëm të vilës dhe vajzës së tij në ditët para Krishtlindjeve. Aktualisht, filmi po ngjitet në listën e filmave më të parë në Netflix.
Kujtojmë se emri i Lohan është përcjellë nga skandale të shumta, ndërsa në media kanë qarkulluar vazhdimisht lajme lidhur me festat e saj të shthurura me Paris Hilton, raportet e këqija me nënën, vjedhjet, gjobat e vendosura nga policia rregullisht për shkak të thyerjes së rregullave të qarkullimit, marrëdhëniet e saj të stuhishme të dashurisë e më pas ajo habiti me vendimin e papritur për t’u konvertuar në Islam.
Përtej gjithçkaje, një fakt mbetet i pakundërshtueshëm:LindsayLohan mbetet një nga aktoret më të mira prej çastit që u përfshi në botën e kinemasë që kur ishte ende vetëm një fëmijë!
