Përpara se të dashurohej me Princ Harry-n, Meghan Markle kishte disa bizhuteri modeste. Mirëpo sot, ajo zotëron një koleksion me vlerë prej 1 milionë paund, bën të ditur “Dailymail”. Këtu përfshihet unaza e fejesës prej 140 mijë paund ashtu si dhe byzylyku Cartier që prek shifrën e 241 mijë paund.
Një tjetër pjesë e koleksionit është edhe kurora që mbretëresha i huazoi ditën e dasmës, që ka vlerën e 450 mijë paund. Le të mos harrojmë edhe setin e vëthëve që ajo mori si dhuratë përpara fejesës, që kushton 60 mijë paund. Dhe si përfundim, duhej patjetër diçka që ti kujtojë të bukurën Kanada. Një set vëthësh është dizenjuar nga argjendarja kanadeze dhe kushton £6,950.
