Tradhëtia e Tristan Thompson disa ditë para se Khloe Kardashian të sillte në jetë fëmijën e tij, ishte një lajm që bëri xhiron e botës. Vetë Khloe nuk është prononcuar ende për këtë gjë, megjithatë motra e saj Kim Kardashain ka folur hapur. Ndërsa këtë radhë për herë të parë ka folur dhe nëna e Khloe, Kris Jenner, e cila e ka pranuar skandalin dhe ka thënë se ishte diçka e papritur.
“Khloe është e mrekullueshme. Jam shumë e lumtur me atë fëmijë. Emocionohem shumë, sepse ajo është me të vërtetë një mama shumë e mire”, – tha Kris duke u munduar të mbante lotët, kur u pyet se si po i përballonte Khloe lajmet që shkruhen për të. Gjithashtu ajo ka thënë se e gjithë familja po i qëndron Khloes afër për ta mbështetur dhe për ta kaluar sa më lehtë këtë periudhë.
