Rihanna ka vendosur të marrë masa ligjore ndaj babait të saj dhe ta çojë drejt gjykatës. Ajo mendon si i ati, Ronald Fenty, po përdor emrin e familjes për të reklamuar biznesin e tij ‘Fenty Entertainment’. Ai dhe bashkëpunëtori i tij në biznes kërkojnë të përfitojnë sa më shumë nga fama e Rihannës, thuhet në letrat e siguruara nga ‘The Blast’.
Pavarësisht se nuk është i autorizuar të veprojë në emër të Rihanna-s, Ronald duke u hequr si agjent i këngëtares ka “rezervuar” një turne të saj për 15 milionë dollarë dhe dy koncerte për 400 mijë dollarë. Rihanna kërkon që të dëmshpërblehet nga i ati dhe një vendim gjyqësor për biznesin e tij, të cilin e ka krijuar në vitin 2017.
