Një muaj më parë Kida humbi një nga njerëzit më të shtrenjtë, gjyshen e saj. Këngëtarja ka treguar se ka pasur një lidhje shumë të ngushtë me të, sepse gjyshja i ka qëndruar gjithmonë afër. Ka kaluar vetëm një muaj nga ndarja e saj nga jeta dhe Kida nuk është mësuar ende me mungesën e njeriut më të afërt. Ajo ka publikuar në ‘Instagram’ një video të gjyshes dhe ka bërë një dedikim shumë prekës për të.
“1 muaj pa ty Nana, më mungon fytyra jote e bukur, më mungon çdo gjë prej teje! Mendja ime e di që je në një vend më të mirë tani…Ti e di sa shumë të dua, por ndoshta ti nuk e di sa shumë më mungon”, – ka shkruar Kida. Në një rrëfim të pak kohëve më parë në një emision, këngëtarja është përlotur teksa ka kujtuar se sa shumë gjyshja e saj kujdesej për të.
