Shumica e njerëzve të suksesshëm kanë shumë gjëra të përbashkëta. Për shembull, të gjithë pajtohen se gjëja e parë që duhet të bëni në mëngjes është të hani një bretkosë. Kjo do të thotë se është më mirë të merresh me gjënë më të keqe në listën tënde menjëherë pasi të zgjohesh. Ndër tiparet e tjera të rutinës së tyre të përditshme, zakonisht ka një orar të përditshëm të balancuar dhe të organizuar në mënyrë strikte që i ndihmon ata të përparojnë në karrierën e tyre dhe në jetën personale.
Barack Obama: Shmangni kafen.
Mund të konsiderohet një anomali në botën moderne, por ish-presidenti Barack Obama nuk pi aspak kafe. Në vend të kësaj, për të ruajtur hidratimin e trupit dhe për të rritur metabolizmin e tij, ai zakonisht pi çaj jeshil, lëng portokalli, dhe shumë ujë. Obama ka 2 rregulla kryesore në lidhje me rutinën e tij të mëngjesit: mos humbisni një stërvitje dhe gjithmonë hani mëngjesin. Me sa duket shmangia e kafesë në mëngjes nuk ndikon në nivelin e tij të energjisë.
Jennifer Aniston: Ngrihu herët.
Ju ndoshta keni dëgjuar se njerëzit më të suksesshëm janë “zogjtë e mëngjesit” dhe Jennifer Aniston nuk bën përjashtim këtu. Çdo ditë pune, ajo ngrihet në orën 4:30 dhe menjëherë fillon të bëjë ritualet e saj në mëngjes. Si pjesë e rutinës së saj të mëngjesit, Jennifer lan fytyrën me sapun, pi ujë të nxehtë me limon, pastaj mediton për 20 minuta.
Oprah Winfrey: Meditim.
Përfitimet e meditimit janë shumë të njohura, ndihmon në reduktimin e stresit, përmirësimin e produktivitetit, rritjen e kreativitetit dhe ruajtjen e mirëqenies së përgjithshme. Kjo është arsyeja pse Oprah Winfrey zakonisht përfshin meditim në rutinën e saj të përditshme. Oprah fillon çdo mëngjes me 20 minuta meditim të ulur, duke mos lënë mënjanë pushimet dhe fundjavat. Ajo thotë se ulur në heshtje e mbush atë me shpresë, një ndjenjë kënaqësie dhe gëzimi të thellë.
Tim Ferriss: Përmbush qëllime të vogla.
“Fitoni në mëngjes, fitoni ditën”, është motoja e Timit e shprehur në një nga librat e tij. Ferriss zgjedh të fillojë ditën duke pastruar dhomën dhe mendjen e tij.
Lea Michele: Bëni një dush me avull.
Çdo mëngjes pas një filxhan kafeje të shpejtë, Lea Michele merr një dush me avull.
David Karp: Mos kontrolloni ’email’-et tuaja.
Themeluesi dhe CEO i ‘Tumblr’, David Karp, është i sigurt se leximi i postës elektronike në mëngjes në shtëpi nuk ndihet mirë apo produktiv. Në vend të kësaj, ai kursen të gjitha leximet e tij për ’email’ kur arrin në punë rreth orës 9:30 ose 10:00. Nëse ka diçka urgjente që ai duhet të dijë, njerëzit gjithmonë mund ta telefonojnë ose ta shkruajnë atë.
