Shumë prej nesh i shmangin mendimet rreth vdekjes, por jo aktori Keanu Reeves! “Unë jam 59 vjeç dhe e gjej veten shpesh duke menduar për vdekjen”, ka rrëfyer ylli i Hollivudit në një intervistë për BBC . “Kjo është një gjë e mirë”, shtoi ai.
Ylli i “Matrix” së fundmi ka botuar një libër të ri të quajtur “The Book of Elsewhere”. Ky libër është shkruar në bashkëpunim me autorin britanik, China Mieville. “The Book of Elsewhere” bazohet në serinë jashtëzakonisht të suksesshme të librave komik ‘BRZRKR’ të krijuar nga Reeves. I publikuar në vitin 2021, ‘BRZRKR’ – i shqiptuar si ‘i çmendur’, për të painformuarit – do të përshtatet gjithashtu në një film aksion të Netflix me aktorin Reeves, si dhe në një seri filmash të animuar.
Për Reeves, librat komikë kanë një tërheqje të veçantë. “Më pëlqejnë imazhet”, tha ai. “Më pëlqejnë fjalët dhe tregimet dhe më pëlqen mënyra se si mund ta keni këtë angazhim. Dhe kështu mund të shikoni artin dhe më pas mund të ndiqni historinë”. Keanu është një prej aktorëve të më të mirë të Hollywoodit dhe filmat në të cilët ai ka interpretuar, kanë qenë gjithmonë të bujshëm.
