Për filmin “Avatar 2”, Kate Winslet është ushtruar shumë fort që të kishte një performancë perfekte. Aktorja e përkushtuar 45 vjecare ka mësuar teknikat e zhytjes nën ujë dhe rrëfen se gjatë xhirimeve bëri “gjëra të cmendura“.
Duke provuar se ishte e gatshme të testonte limitet e saj për rolin emocionues të “njeriut-ujë”, Kate tha se e trajnoi veten për të mbajtur frymën për më shumë se shtatë minuta.
Ajo i tha Hollywood Reporter se: “Unë duhej të mësoja se si të zhyhesha për të luajtur atë rol në Avatar, dhe kjo ishte thjesht e pabesueshme”.
