Kastro Zizo është një nga artistët që shpreh gjithmonë hapur dhe pa dorashka çdo gjë. Por, përgjatë karrierës së tij, nuk kanë qenë të pakta rastet kur ai është shfaqur i dehur nëpër invervista apo evente. Megjithatë, tashmë Kastro ka vendosur se ajo mënyrë jetese do i përkasë të kaluarës dhe është momenti për të filluar një kapitull të ri. Ai ka nisur një kurë detoksifikuese, për të larguar alkollin nga trupi. Paranojat, agresiviteti, apo mendimet e errëta mbi vetëvrasjen, nuk kanë më vend në jetën e tij.
“Ndjej që kam humbur një pjesë shumë të madhe të emocioneve apo situatave në jetën time. DI që armiku im më i madh ka qenë dhe do të jetë ai që quhet alkool. Shumë njerëz do thonë boo, ky që ka ardhur shumë herë i dehur, por besomëni që unë jam personi i duhur. Ai që për shumë vite ka abuzuar me atë helm, që mund të flasë për atë të shkuar të errët. Njeriu mund të jetë karizmatik edhe pa pirë, u bënë shumë ditë që unë qesh pa pirë, sepse më ishte bërë si e detyriar që dikush duhet të jetë i dehur për të shijuar një gjë, ndërkohë që thjesht djeg shumë qeliza, tharton trurin dhe të nesërmen bëhesh edhe më depresiv. Iku një kapitull shumë i madh i alkoolit dhe derivateve që ai më ka sjellë në jetën time, të njerëzve që më rrethonin, familjarëve,” është shprehur Kastro.
