Jonida Maliqi e nisi karrierën e saj si këngëtare por me kalimin e kohës ajo ju përkushtua biznesit të veshjeve. Por duket se pasionin për muzikën këngëtarja e ka ende në gjak, pasi pak ditë më parë ajo konfirmoi se shumë shpejt do të rikthehet në tregun muzikor.
Së fundmi Jonida ka publikuar në ‘Instagram’ një pjesë të shkurtër nga videoklipi i këngës për të treguar se çdo gjë është gati dhe se numërimi i ditëve ka nisur mbrapsht. Në klip protagonist është miku i saj Oni Pustina dhe kënga mban titullin “Në errësirë”. Një këngë kushtuar dashurisë e cila duket se do të ketë shumë sukses.
