Chrissy Teigen dhe John Legend janë bërë mbrëmjen e së mërkurës, prindër të një djali. 32 vjeçarja ndau lajmin e gëzueshëm me anë të një postimi në Tuuitter. “Dikush është këtu,” shkruan modelja, për të lajmëruar kështu ardhjen në jetë të fëmijës së tyre të dytë. Çifti i njohur janë prindër edhe të një vajze, Luna.
Ata kanë ndarë shpesh herë momente nga jeta e tyre, duke folur shumë hapur edhe për problemet e Chrissyt gjatë shtatzanisë. Modelja dhe këngëtari e kanë zbuluar që në fillim që ishin në pritje të një djali, ndërkaq tani të gjithë presin të marrin vesh sesi do të quhet pjestari më i ri në familjen Legend.
