Mbështetës të grupit terrorist të Shtetit Islamik (ISIS) janë kapur duke dërguar mesazhe në aplikacionin “Telegram”, ku diskutonin se si të helmonin Dukeshën e Kembrixhit, Kate Middleton. Ata kanë dërguar një foto të Kate në supermarket dhe më pas shkruajnë:
“Ne e dimë se çfarë ha, po e helmojmë”. Ky është një kërcënim i dytë për familjen mbretërore pasi disa kohë më parë, kanë tentuar të bëjnë një sulm ndaj Princit George. Terroristi Husnain Rashid ka tentuar të rrëmbejë Princin në shkollë dhe për këtë u dënua me 25 vite burg.Sipas shërbimeve të inteligjencës, edhe tentativa për helmimin e Dukeshës lidhet pikërisht me këtë person.
