Këngëtari i famshëm turk Murat Dalkilic u martua në vitin 2015 me aktoren turke Merve Bolugur. Marrëdhënia e tyre nuk shkoi siç pritej dhe çifti u divorcua shtatorin e kaluar. Në dhjetor ai u përfol për një lidhje dashurie me aktoren e serialit “Jetë”, Hande Ercel dhe zërat rezultuan të vërtetë. Çifti tashmë nuk i fshihet më kamera dhe shihet gjithnjë bashkë.
I pyetur për një martesë të dytë, Dalkilic ka thënë “Sigurisht që dua të martohem dhe të krijoj një familje. Martesa është diçka e bukur, është një mision që i mban njerëzit në jetë”. Edhe pse martesa e tij e parë përfundoi në divorc ndoshta Ercel është dashuria e jetës për këngëtarin.
