Aktori i serialit “Nusja nga Stambolli” do të jetë së shpejti pjesë e një koncerti madhështor në Izrael. Mediat turke kanë raportuar se prej plot 4 vitesh, Ozcan ka refuzuar çdo ftesë të tillë që i është bërë. Por, kur të merrni vesh sesa do paguhet për këtë event, mendoj se do i jepni të gjithë të drejtë që ka pranuar të jetë pjesë e tij. Duke qenë se “Nusja nga Stambolli” është një ndër serialet më të ndjekura në Izrael, rrjedhimisht Ozcan dhe Asli Enver janë dy personazhe mjaft të njohur dhe të dashur për publikun atje.
Kështu që, aktorit i janë ofruar plot 1 milion dollarë, për pjesmarrjen e tij. Madje, së fundmi është shtuar edhe Asli Enver si pjesë e koncertit, por që do të paguhet me një shumë goxha më të ulët se Ozcan, 350 mijë dollarë. Koncerti në fjalë do të zhvillohet në një nga sallat më të mëdha të Izraelit, me një kapacitet prej 10.000 personash. Biletat e këtij koncerti kanë arritur të shiten të gjitha vetëm 6 orë pas publikimit të tyre online.
