Mario Dedivanovic është një nga grimierët më të njohur në “Hollywood”, njëherësh edhe grimieri më besnik i të famshmes Kim Kardashian. Para pak muajsh ai organizoi një event gjigand në vendin tonë ku të pranishëm ishin parukierë nga e gjithë bota. Duket se këto momente kanë qenë të paharrueshme për grimierin dhe ai nuk harron t’i kujtojë si më të vyerat e jetës së tij.
Nëpërmjet një postimi në ‘Instagram’ Mario tregon emocionet që e përfshinë teksa shkeli në “Pallatin e Kongreseve” dhe dëgjoi njerëzit të cilët shpërthyen menjëherë në duartrokitje. “Nuk do ta harroj kurrë këtë moment. Isha kaq i emocionuar, gjunjët po më dridheshin dhe po përpiqesha të qëndroja në këmbë”,- shkruan Mario krahas videos.
